Jonas Furrer
| Dialäkt: Züridütsch (See) |
De Jonas Furrer (* 3. März 1805 z Winterthur; † 25. Juli 1861 z Bad Ragaz) isch en Schwiizer Politiker gsii.
De Jonas Furrer (Bürgerort: Winterthur) isch im nöie Bundesstaat dr erschti Schwiizer Bundespräsident 1848 gsii, und er isch wider Bundespräsident worde i de Jahr 1849, 1852, 1855 und 1858. Er isch eine vo de bedüütendschte Politiker i dr Aafangsziit vo der modärme Schwiiz.
Er isch dr Sohn vom ene Schlossermeischter us Winterthur gsii. Er hät Rechtswüsseschaft gschtudiert und hät e Aawaltskanzlei ghaa.
De Jonas Furrer isch Freimuurer gsii, er isch 1830 i d Loge Akazia z Winterthur uufgnaah worde.
Er hät e politischi Bilderbuechkarriere gmacht: 1834 isch er mit erscht 29 Jahr als Vertreter vo dr freisinnige Partei is Parlament vom Kanton Züri gwählt worde. 1844 isch er Zürcher Regierigsrat worde, 1845 Bürgermeischter und Regierigsratspräsident. Nach em Sonderbundchrieg isch er 1848 Schtänderat vom Kanton Züri und Schtänderatspräsident i dr junge Schwiiz worde. Er het massgeblich a dr Verfassig vu dr Schwyz mitgwürkt isch und am 16. November vom gliiche Jahr in Bundesrat als Vertreter vom Kanton Züri und gliichziitig zum erschte Bundespräsident vo dr Schwiiz gwählt worde. Während siinere Amtsziit isch er de folgende Departement vorgschtande:
- 1848–1849: Politischs Departement
- 1850–1851: Juschtiz- und Polizeidepartement
- 1852: Politischs Departement
- 1853–1854: Juschtiz- und Polizeidepartement
- 1855: Politischs Departement
- 1856–1857: Juschtiz- und Polizeidepartement
- 1858: Politischs Departement
- 1859–1861: Juschtiz- und Polizeidepartement
Als Juschtizminister hät er en grosse Biitrag gleischtet zur Rechtssicherheit im neue Bundesschtaat, indem er persönlich Hunderti vo Rekürs bearbeitet hät.
De Jonas Furrer isch 1861 mit nur 56 Jahre im Amt verschtorbe.
Literatur
[ändere | Quälltäxt bearbeite]- Roswitha Feusi Widmer: Furrer, Jonas. In: Historisches Lexikon vo dr Schwiiz.
- Roswitha Feusi Widmer: Jonas Furrer. In: Urs Altermatt (Hrsg.): Die Schweizer Bundesräte. Ein biographisches Lexikon. 2. Auflage. Artemis Verlag, Zürich/München 1991, ISBN 3-7608-0702-X, S. 103–108.
- Emanuel Dejung, Alfred Stähli, Werner Ganz: Jonas Furrer von Winterthur: 1805–1861. Erster schweizerischer Bundespräsident. Gemsberg, Winterthur 1948.
- Wilhelm Johann Martin Gisi: Furrer, Jonas. In: Allgemeine Deutsche Biographie (ADB). Band 8, Duncker & Humblot, Leipzig 1878, S. 209 f.
- Werner Ganz: Furrer, Jonas. In: Neue Deutsche Biographie (NDB). Band 5, Duncker & Humblot, Berlin 1961, ISBN 3-428-00186-9, S. 734 f.
Weblink
[ändere | Quälltäxt bearbeite]- S Erbrecht vo dr Schtadt Winterthur, 1932 (Werch vom Jonas Furrer online in Faksimile-Uusgaab)
- Publikatione vo und über Jonas Furrer im Katalog Helveticat vo dr Schwiizerische Nationalbibliothek
- Privatarchiv Jonas Furrer in dr Archivdatebank vom Schwiizerische Bundesarchiv
| Vorgänger --- |
Mitgliid im Schwiizer Bundesrat 1848-1861 |
Nochfolger Jakob Dubs |
|
Dä Artikel basiert uff ere fräie Übersetzig vum Artikel „Jonas_Furrer“ vu de dütsche Wikipedia. E Liste vu de Autore un Versione isch do z finde. |